അസീറയും ആമിനയും ആഹ്ലാദത്തികവിലായിരുന്നു. തങ്ങളുടെ കളിക്കൂട്ടുകാരാകാൻ വിദ്യാലയത്തിലെ ആറാംതരക്കാരാകെ വന്നപ്പോൾ സന്തോഷം എങ്ങനെ പ്രകടിപ്പിക്കണമെന്നറിയാതെ സഹോദരിമാരായ ഇരുവരുടെയും കണ്ണുകൾ നിറഞ്ഞു പോയി.ചെറുവത്തൂർ ബി ആർ സി യുടെയും എടച്ചാക്കൈ എ യു പി സ്കൂളിന്റെയും ആഭിമുഖ്യത്തിൽ കിടപ്പിലായ ഭിന്നശേഷിക്കാരായ കുട്ടികൾക്കായി സംഘടിപ്പിച്ച വിദ്യാലയം വീട്ടിലേക്ക് പരിപാടിയാണ് അരയ്ക്കു കീഴെയും കൈകാലുകളും തകർന്ന കുരുന്നുകൾക്ക് വൈകല്യ ദുഃഖത്തിനിടയിലും നവോൻ മേഷം പകർന്നത്.
മറ്റ് കുട്ടികളോടൊപ്പം വിദ്യാലയത്തിലേക്ക് കടന്നുചെന്ന് കളി ചിരികളുടെ പൂത്തിരികളുമായി പഠിക്കാൻ സാധിക്കാത്തതിനാൽ ഇരുവരും ഐ ഇ ഡി സി അധ്യാപിക ബി റോഷ്ണിയുടെ കീഴിലാണ് വീട്ടിൽ വെച്ച് പ ഠനം നടത്തി വരുന്നത്. വിദ്യാലയം വീട്ടിലേക്ക് പരിപാടിയിൽ വിദ്യാലയത്തിലെ അധ്യാപിക കെ ജയശ്രീ അടിസ്ഥാന ശാസ്ത്രത്തിലെ ആവാസവ്യവസ്ഥ എന്ന പാഠഭാഗമെടുത്ത്, സ്കൂളിലെ മറ്റ് കുട്ടികളുടെ ഒപ്പം ചേർന്നിരുന്ന് പഠിച്ചപ്പോൾ മധുരാനുഭവമായി.ആ വാസവ്യവസ്ഥയെക്കുറിച്ചറിയാൻ വീൽചെയറിലിരുന്ന് വയലിലും പുഴയോരത്തും ഫീൽഡ് ട്രിപ്പിലും പുതിയ കളിക്കൂട്ടുകാരൊപ്പം പങ്കാളിയായി. നാളെ ഞങ്ങളും വരും സ്കൂളിലേക്ക് എന്നു മൊഴിഞ്ഞ് കൈവീശിയാണ് ഇരുവരും കൂട്ടുകാരെയും അധ്യാപകരെയും യാത്രയാക്കിയത്. എടച്ചാക്കൈയിലെ അറഫാത്തിന്റെയും ആയിഷയുടെയും മക്കളാണിവർ.
സമഗ്ര ശിക്ഷാ ജില്ലാ പ്രോഗ്രാം ഓഫീസർ ബി ഗംഗാധരൻ, ചെറുവത്തൂർ ബിപിഒ പി വി ഉണ്ണി രാജൻ, പ്രഥമാധ്യാപക ചുമതലയുള്ള പി വി ഭാസ്കരൻ ,ബി ആർ സി പരിശീലകൻ കൃഷ്ണദാസ് പലേരി,പി വി പ്രസീദ, കെ റുബൈദ എന്നിവർ സംസാരിച്ചു.
GANITHA VIJAYAM @ GLPS KAYYUR
ബേങ്കിലേക്ക് സ്വയമെഴുതിയ ചെക്കെടുത്തു പോയും എ ടി എം കൗണ്ടറിൽ കാർഡിട്ട് പണം പോക്കറ്റിലാക്കിയും കണക്കിന്റെ മധുരാനുഭൂതിയിൽ ലയിച്ച് കയ്യൂരിലെ കുരുന്നുകൾ .സർവശിക്ഷാ അഭിയാൻ ചെറുവത്തൂർ ബി ആർ സി യുടെ ആഭിമുഖ്യത്തിലാണ് ഗണിതവിജയം പദ്ധതി വിജയത്തിളക്കത്തിലെത്തി നിൽക്കുന്നത്. കയ്യൂർ ജി എൽ പി സ്കൂളിലാണ് പത്തുനാൾ നീളുന്ന ഗണിത വിജയം പകുതി പിന്നിട്ടത്. ബി ആർ സി അനുവദിച്ച ഗണിത ലാബിലെ ഗണിത പഠനോപകരണങ്ങൾ ഫലപ്രദമായി ഉപയോഗിച്ച് കണക്കിന്റെ കുരുക്കുകൾ രസകരമായി അഴിച്ചെടുക്കുകയാണ് കയ്യൂരിലെ കുട്ടികൾ. പാഠഭാഗത്തു നിന്നും നിത്യജീവിതത്തിൽ നിന്നും അടർത്തിയെടുത്ത ഭാഗങ്ങളാണ് കുട്ടികൾ പഠനോപകരണ സഹായത്താൽ പാൽപ്പായസം പോലെ ആസ്വദിക്കുന്നത്. നാൽപ്പതോളം ആകർഷകങ്ങളായ പ്രവർത്തനങ്ങളിലൂടെ പത്തുനാൾ കടന്നു പോകുന്ന കുട്ടികൾ ഗണിത പഠനത്തിൽ മിടുക്കൻമാരായിത്തീരുമെന്ന പ്രതീക്ഷയാണ്. എല്ലാ ഗണിത പ്രവർത്തനങ്ങളും പഠനോപകരണങ്ങൾ ഉപയോഗിച്ച് കൈകാര്യം ചെയ്യുമ്പോൾ ഗണിതാശയങ്ങൾ ആഴത്തിൽ ഉറപ്പിച്ചു നിർത്തുകയാണ് ഗണിത വിജയത്തിലൂടെ ലക്ഷ്യമിടുന്നത്. മൂന്ന്, നാല് ക്ലാസുകളിൽ നിന്നും തെരഞ്ഞെടുത്ത കുട്ടികളെയാണ് പദ്ധതിയുടെ പങ്കാളികളാ
Comments
Post a Comment